• Home
  • Contact Us
  • Links
  • Sponsorship
  • Register
Logo
logo
Logo
  • អត្ថបទថ្មីៗ
  • ពីនិពន្ធនាយក
  • ជំពូក១ ៖ របរចិញ្ចឹមជីវិត, ឧបករណ៍
  • ជំពូក២ ៖ ជំនឿ, ទំនៀមទម្លាប់
  • ជំពូក៣ ៖ សិល្បៈ , អក្សរសាស្រ្ត
  • ជំពូក៤ ៖ មរតកបុរាណ, ប្រវត្តិសាស្រ្ត
  • ជំពូក៥ ៖ ភូមិសាស្រ្ត, បរិស្ថាន, ធម្មជាតិ
  • ជំពូក៦ ៖ សម្រង់, ភាសាសាស្រ្ត
  • ជំពូក៧ ៖ សម្លេង, កុន

សម្លប្រូង

ដោយ សី ទូច និង ហេង សុផាឌី*

គ្រាន់តែឃើញឈ្មោះម្ហូបនេះ យើងអាចស្មានបានថាប្រហែលមិនមែនជាម្ហូបដែលគេស្គាល់ជាទូទៅទេ។ លុះពិនិត្យលទ្ធផលមកក៏ឃើញថាជាសម្លដែលមិនធ្លាប់ឃើញថាខ្មែរស្លដូច្នោះ មែន ដ្បិតសម្លនេះជាម្ហូបជនជាតិដែលរស់នៅក្នុងខេត្តមណ្ឌលគីរី, ក្រចេះនិងត្បូងឃ្មុំ។ ជនជាតិព្នងហៅថា «ត្រាវព្រូង» រីឯជនជាតិស្ទៀងដែលរស់នៅស្រុកមេមត់ក្នុងខេត្តត្បូងឃ្មុំឬក៏នៅស្រុកស្នួលក្នុងខេត្តក្រចេះវិញហៅថា «ឈឺប្រូង ឬប្រូង»។

គេអាចពោលថាសម្លនេះមិនមែនជាមុខម្ហូបដែលទទួលទានរាល់ថ្ងៃឬក៏ញឹកញាប់ឡើយ ដ្បិតគេច្រើនស្លតែក្នុងឱកាសជួបជុំគ្នាឬទទួលភ្ញៀវប៉ុណ្ណោះ។

ដើម្បីស្លគេមិនប្រើឆ្នាំងទេ គឺគេស្លដោយប្រើបំពង់ឫស្សី។ ដំបូងគេត្រូវរកឫស្សីពក ប្រវែង ពី៧០ស.ម. ឡើងទៅ (រូបលេខ១) យកមកកាត់ថ្នាំងខាងគល់សម្រាប់ធ្វើមាត់បំពង់ និងទុកផ្នែកខាងចុងជាបាត គឺថាធ្វើលំនាំតាមបំពង់ទឹកត្នោតឬបំពង់ឫស្សីសម្រាប់ដុតក្រឡានដូច្នោះ។ បន្ទាប់មកទៀតគេត្រូវរកឈើពីរកំណាត់ មានចំពាមខាងចុង សម្រាប់ទ្រឈើត្រង់មួយទៀតដែលជាបង្អែកបំពង់ឫស្សី និងរកផ្តៅ ឬកូនឈើវែងមួយសម្រាប់បុកបន្លែនិងសាច់ដែលគេបានញាត់បញ្ចូលក្នុងនោះហើយជាស្រេច។ ទាំងអស់នេះជាឧបករណ៍ស្ល (រូប លេខ២)។

រូបលេខ១

រូបលេខ១

រូបលេខ២

រូបលេខ២

បន្លែដែលបានឃើញ មានត្រប់ពុតលំញង, ត្រប់ក្រាមរមាស, ឃ្លោក, ល្ហុង, ចុងផ្តៅ, ម្ទេស, និងស្លឹកតូញ (រូបលេខ៣)។ ឯ សាច់វិញមិនកំណត់ឡើយថាជាសាច់អ្វី គឺអាស្រ័យលើការនិយមចូលចិត្ត។ ចំពោះគ្រឿងផ្សំវិញមាន ៖ អំបិល, ប៊ីចេង, ស្ករ, ប្រហុក, គល់ស្លឹកគ្រៃ, ខ្ទឹមស, ខ្ទឹមក្រហម, ជីររណារ ជីរនាងលក្ខណ៍ជាដើម។ លំដាប់លំដោយនៃការធ្វើ អាចសង្ខេបខ្លីដូចតទៅ ៖ គេចិត និងលាងសម្អាតបន្លែរួច គេច្រកទៅក្នុងបំពង់ឫស្សី បន្ទាប់មកទើបថែមគ្រឿងផ្សំ។ ឯសាច់វិញ គេត្រូវចម្អិនឲ្យរួចមួយសាសិនទើបហាន់ ឬបេះជាចំណិតតូចៗល្មមអាចញាត់ចូលក្នុងបំពង់ឫស្សីបាន។ ពេលញាត់ហើយទើបគេចាក់ទឹកចូលរហូតដល់៦០ភាគរយនៃបំពង់ឫស្សីរួចគេយកបំពង់ដែលមានអ្វីៗគ្រប់សព្វហើយនោះ ទៅដាក់ គងលើឈើដែលរៀបចំរួចហើយដើម្បីចម្អិន។ គេដុតភ្លើងពីក្រោមបំពង់នោះ (រូបលេខ ៤-៥) រហូតដល់ពុះនិងផុយបន្លែបន្តិច ទើបយកឈើវែងទៅបុកតិចៗ ដើម្បីឲ្យបន្លែនិងសាច់ច្របល់ចូលគ្នាបានល្អ (រូបលេខ៦-៧)។ លុះគេភ្លក់ទៅយល់ថាសមល្មមហើយ ទើបគេបង់ជីរចូលទៅក្នុងបំពង់ជាក្រោយ។លទ្ធផលបញ្ចប់ដូចឃើញនៅរូបលេខ៩ស្រាប់ គឺសម្លប្រូងដែលគេចាក់ចេញពីបំពង់ឫស្សីមកវិញ។

រូបលេខ៣

រូបលេខ៣

រូបលេខ៥

រូបលេខ៥

រូបលេខ៤

រូបលេខ៤

រូបលេខ៦

រូបលេខ៦

រូបលេខ៧

រូបលេខ៧

រូបលេខ៨

រូបលេខ៨

រូបលេខ៩

រូបលេខ៩

------------------------------------------------

* រូបថតមួយភាគបានមកពីលោកទី ឃាវុឌ្ឍ មន្រ្តីនៃមន្ទីរវប្បធម៌និងវិចិត្រសិល្បៈ ខេត្តមណ្ឌលគីរី។

បណ្តាញផ្សព្វផ្សាយពត៌មានវប្បធម៌ខ្មែរលេខ១៨

ចំនួនអត្ថបទ ១៧ ចំណងជើង
ទំហំ A5 និងចំនួនទំព័រ (រូបពណ៌ទាំងអស់) ៖ ៦​ +​​ ១២២ ទំព័រ តម្លៃ ៖ ១៥០០០រៀល ឬ ៣.៧៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០២៣

បណ្តាញផ្សព្វផ្សាយពត៌មានវប្បធម៌ខ្មែរលេខ១៧

ចំនួនអត្ថបទ ១៨ ចំណងជើង
ទំហំ A5 និងចំនួនទំព័រ (រូបពណ៌ទាំងអស់) ៖ ៦​ +​​ ១១៤ ទំព័រ តម្លៃ ៖ ១៥០០០រៀល ឬ ៣.៧៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០២២

បណ្តាញផ្សព្វផ្សាយពត៌មានវប្បធម៌ខ្មែរលេខ១៦

ចំនួនអត្ថបទ ១៧ ចំណងជើង
ទំហំ A5 និងចំនួនទំព័រ (រូបពណ៌ទាំងអស់) ៖ ៦​ +​​ ១២៤ ទំព័រ តម្លៃ ៖ ១៥០០០រៀល ឬ ៣.៧៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០២១

បណ្តាញផ្សព្វផ្សាយពត៌មានវប្បធម៌ខ្មែរលេខ១៥

ចំនួនអត្ថបទ ១៨ ចំណងជើង
ទំហំ A5 និងចំនួនទំព័រ (រូបពណ៌ទាំងអស់) ៖ ៦​ +​​ ១២៥ ទំព័រ តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០២០

អាហារនៅជនបទអង្គរ

ដោយ អាំង ជូលាន
យសោធរ, ភ្នំពេញ ២០២០
ក្របរឹង, ២០ ស.ម. x ២៦ ស.ម., ៣១០ ទំព័រ, ចំនួនរូប ៖ ៥២២
ភាសាខ្មែរនិងបារាំងទល់គ្នា
ISBN-13: 978-99249-394-0-5

បណ្តាញផ្សព្វផ្សាយពត៌មានវប្បធម៌ខ្មែរលេខ១៤

ចំនួនអត្ថបទ ១២ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១០០ ទំព័រ តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០១៩

មូលដ្ឋានរៀនខ្មែរបុរាណ២០១៨

ដោយ អាំង ជូលាន
យសោធរ, ភ្នំពេញ
ផ្សព្វផ្សាយលើកទី១ ៖ ២០១៣ (អស់ពីឃ្លាំង)
ផ្សព្វផ្សាយលើកទី២ ៖ ២០១៨
vii + ២៨២ ទំព័រ
ISBN: 978-99963-818-0-5

បណ្តាញផ្សព្វផ្សាយពត៌មានវប្បធម៌ខ្មែរលេខ១៣

ចំនួនអត្ថបទ ២០ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១០៤ ទំព័រ តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០១៨

ដំណើរជីវិតមនុស្សខ្មែរមើលតាមពិធីឆ្លងវ័យ

ដោយ អាំង ជូលាន, ព្រាប ចាន់ម៉ារ៉ា, ស៊ុន ចាន់ដឹប
ផ្សព្វផ្សាយដោយ យសោធរ,​ ភ្នំពេញ​ ២០១៤
ចំនួនទំព័រ (អត្ថបទនិងរូប) ៖ ១១១
តម្លៃ ៖ ២៨០០០រៀល ឬ ៧ ដុលា្លរ, ISBN: 978-99950-895-0-4

បណ្តាញផ្សព្វផ្សាយពត៌មានវប្បធម៌ខ្មែរលេខ១១

ចំនួនអត្ថបទ ១៩ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១២០ ទំព័រ
តម្លៃ ៖ ១២០០០រៀល ឬ ៣ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០១៦

មូលដ្ឋានរៀនខ្មែរបុរាណ

ដោយ អាំង ជូលាន
ផ្សព្វផ្សាយដោយ យសោធរ,​ ភ្នំពេញ​ ២០១៣
vii + ២៨២ ទំព័រ
ISBN: 978-99963-818-0-5

បណ្តាញផ្សព្វផ្សាយពត៌មានវប្បធម៌ខ្មែរលេខ៩

ចំនួនអត្ថបទ ២៩ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១៥០ ទំព័រ តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយ យសោធរ,​ ភ្នំពេញ​ ២០១៤

បណ្តាញផ្សព្វផ្សាយពត៌មានវប្បធម៌ខ្មែរលេខ១០

ចំនួនអត្ថបទ ២០ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១០០ ទំព័រ
តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០១៥

  • អំពីយើង
  • ទំនាក់ទំនង
  • បាឋកថា
  • ឧទ័យ
  • KhmeRenaissance
  • សៀវភៅ
Flag Counter

share on:

© Yosothor.org 2017. All right reserved