• Home
  • Contact Us
  • Links
  • Sponsorship
  • Register
Logo
logo
Logo
  • អត្ថបទថ្មីៗ
  • ពីនិពន្ធនាយក
  • ជំពូក១ ៖ របរចិញ្ចឹមជីវិត, ឧបករណ៍
  • ជំពូក២ ៖ ជំនឿ, ទំនៀមទម្លាប់
  • ជំពូក៣ ៖ សិល្បៈ , អក្សរសាស្រ្ត
  • ជំពូក៤ ៖ មរតកបុរាណ, ប្រវត្តិសាស្រ្ត
  • ជំពូក៥ ៖ ភូមិសាស្រ្ត, បរិស្ថាន, ធម្មជាតិ
  • ជំពូក៦ ៖ សម្រង់, ភាសាសាស្រ្ត
  • ជំពូក៧ ៖ សម្លេង, កុន

ច្បោសផ្ដៅ

ដោយ ថន ស៊ុយទ្រី

ផ្ដៅជារុក្ខជាតិវល្លិ៍មានបន្លានៅស្រទប, ធាង និងស្លឹក ហើយមានឈ្មោះច្រើនប្រភេទតាមទំហំតូចធំនៃដើមផ្តៅនោះ ដូចជាផ្តៅទឹក, ផ្តៅក្រែក, ផ្តៅឈ្វាំង, ផ្តៅអារ៉េច, ផ្តៅដំបង, ព្រះផ្តៅជាដើម។ ឯប្រយោជន៍ដែលគេអាចទាញយកពីផ្តៅនោះមានច្រើនបែបយ៉ាងណាស់។ នៅទីនេះខ្ញុំលើកយកតែការប្រើប្រាស់ម្យ៉ាងហៅថា «ច្បោស» មកនិយាយតែប៉ុណ្ណោះ។ ច្បោស គឺការដែលយកបន្ទោះផ្តៅបិតហើយ មករឹតអបអ្វីមួយឲ្យជាប់មាំ។

នៅភូមិព្រែកឬស្សី ស្ថិតនៅក្នុងឃុំកំពង់កុង ស្រុកកោះធំ ខេត្តកណ្ដាល ពីមុនឃើញមានរុក្ខជាតិផ្ដៅដុះច្រើនតាមព្រៃនិងដងអូរនានា ហើយការយកផ្ដៅមកប្រើប្រាស់ក្នុងជីវភាពរស់នៅក៏សម្បូណ៌បែបណាស់ដែរ។ អ្វីដែលជាការសំគាល់មួយគឺគេយកផ្ដៅវេញធ្វើជាព្រ័ត្រសំរាប់ទាញលេងនៅមុខរោងអ្នកតាដើមសំរោង ក្នុងថ្ងៃបុណ្យចូលឆ្នាំដូចមាននិយាយរួចមកហើយនៅជំពូក៥ លេខរៀងទី៥០។ ក្នុងចំណោមផ្តៅច្រើនប្រភេទដូចរៀបរាប់ខាងលើ ផ្តៅដែលគេតែងយកមកពុះបិតធ្វើបន្ទោះច្បោសនោះគឺផ្តៅទឹក (រូបលេខ១-២) ដោយសារដើមវាទំហំល្មមមិនធំពេកមិនតូចពេក។ គេរើសរកផ្តៅណាដែលនៅខ្ចីល្មម ពោលគឺមិនទាន់មាន «ចញ្ចើមស្វា» មកពុះ ដ្បិតងាយស្រួលពុះមិនដាច់ខូច ហើយគេអាចពុះផ្ដៅជាពីរឬបីចម្រៀកតាមទំហំដែលចង់បាន រួចទើបបិតចម្រៀកផ្ដៅនោះឲ្យរាងសំប៉ែតគ្រាប់ត្នោត ដោយយកសាច់ពោះចេញ និងលួសចញ្ចើមស្វាខាងខ្នងឲ្យស្អាត ហើយយកខ្នងកាំបិតកៀសគែមបន្ទោះឲ្យស្អាតល្អកុំឲ្យមុត ។

រូបលេខ១

រូបលេខ១

រូបលេខ២

រូបលេខ២

នៅពេលចាក់ច្បោស គេយកចម្រៀកបន្ទោះដែលពុះបាននោះមកមូរពាត់វង់ជាពីរកងស្មើគ្នា ធំជាងទំហំវត្ថុដែលគេចង់ច្បោសពីលើនោះបន្តិច។ គេត្រូវចាប់សំណុំកងបន្ទោះពីរនោះឲ្យជាប់កុំឲ្យរលាឬរំកិលខុសទីតាំងដែលត្រូវច្បោស រួចយកចុងបន្ទោះដែលវែងចាក់មុជងើបៗ ប្រទាក់ក្រឡានឹងកងផ្ដៅពីរនោះទៅមក រហូតទាល់ចុងបន្ទោះទាំងពីរប្រសព្វមុខគ្នា។ គេធ្វើបែបនេះរហូតឃើញថាបានទំហំច្បោសមួយដែលគេចង់បាន (រូបលេខ៣-៥)។

រូបលេខ៣

រូបលេខ៣

រូបលេខ៤

រូបលេខ៤

រូបលេខ៥

រូបលេខ៥

ការប្រើប្រាស់ច្បោសនេះ ខ្ញុំប្រទះឃើញមានបែបផែនផ្សេងគ្នា។ នៅភូមិព្រែកឬស្សីនេះ ដែលឃើញញឹកញាប់ជាងគេគឺច្បោសលើអំបោសទ្រនង់ជ្រែ ដោយគេចាក់ធ្វើជាច្បោសរួច បញ្ចូលច្បោសនោះពីខាងចុងអំបោស រួចរូតរឹតបន្តឹងទៅផ្នែកខាងគល់ធំ (រូបលេខ៦-៧)។

រូបលេខ៧

រូបលេខ៧

រូបលេខ៦

រូបលេខ៦

ឧទាហរណ៍ផ្សេងទៀតដែលខ្ញុំលើកយកមកបង្ហាញនៅទីនេះគឺច្បោសដែលគេចាក់រឹតលើស្រោមកាំបិតបន្ទោះ។ ច្បោសនោះរឹតផ្លែកាំបិតបន្ទោះឲ្យជាប់តឹងនឹងស្រោមឬស្សី បង្ការកុំឲ្យកាំបិតរបូតចេញពីស្រោមនៅពេលស្ពាយដើរ (រូបលេខ៨)។

ក្រៅពីនោះ គេក៏អាចចាក់ច្បោសសម្រាប់ជាមធ្យោបាយពាសរឹតស្បែកទ្រឲ្យជាប់មាំដែរ។ របៀបធ្វើគឺថានៅពេលដែលលាបបាយដំណើបនំចាំងក្បុង ឬនំអន្សមលើលលាដ៏ទ្ររួច គេយកស្បែកពស់ឬស្បែកអន្សងដែលគេបានត្រាំទឹកជាមុនមកដើម្បីឲ្យទន់សិនមកពាសពីលើលលាដ៏នោះ ហើយស៊កច្បោសផ្ដៅឲ្យតឹងស្បែក រួចហើយរក្សាទុកក្នុងម្លប់កុំឲ្យត្រូវកំដៅថ្ងៃដើម្បីឲ្យស្បែកតឹងល្អ (រូបលេខ៩)។

រូបលេខ៨

រូបលេខ៨

រូបលេខ៩

រូបលេខ៩

របៀបផ្សេងទៀត គឺគេប្រើច្បោសដើម្បីអបរឹតដងកាំបិតឬស្រោមដាវ។ គេច្បោសនៅលើដងកាំបិតណាដែលបែកបាក់ឲ្យជាប់មាំឡើងវិញ ហើយម្យ៉ាងទៀតគេច្បោសដើម្បីកុំឲ្យដងកាំបិតរអិលរបូតពីដៃនៅពេលកាប់ឆ្ការផង។ ឯនៅលើស្រោមដាវ គឺគេច្បោសអបនៅលើឈើពីរបំណែកផ្សេងគ្នា ឲ្យផ្គុំចូលគ្នាដោយមានគន្លាក់សម្រាប់សកផ្លែដាវចូលជាស្រោមផង ដើម្បីឲ្យសមភ្នែកផង (រូបលេខ១០-១១)។

រូបលេខ១០

រូបលេខ១០

រូបលេខ១១

រូបលេខ១១

នៅរូបលេខ១២-១៣ យើងឃើញច្បោសមួយបែបទៀតដែលគេប្រើនៅក្នុងការធ្វើស្គរយីកេមួយ គឺគេមិនចាក់ជាកងដូចរៀបរាប់ខាងលើឡើយ តែគេយកផ្ដៅទាំងមូលមួយដើមទំហំប៉ុនកូនដៃ មកកល់ស្ទបពីក្រោមស្បែកស្គរយីកេនោះវិញ ដោយរុំពាត់រាងកងរង្វង់ទៅតាមរាងមាត់ស្គរ។ គេប្រើកូនញញួរឈើតូចមួយដើម្បីបន្តឹងស្បែក ដោយផ្នែកក្បាលខាងធំសម្រាប់វាយបន្តឹងស្នៀតឈើ ឯផ្នែកខាងដងសំប៉ែតសម្រាប់វាយបញ្ចូលច្បោសផ្ដៅ។ ស្គរយីកេនេះអ្នកស្រុកតែងយកមកប្រគំលេងពេលទាញព្រ័ត្របុណ្យឡើងអ្នកតាដើមសំរោងនៅភូមិព្រែកឬស្សីនោះឯង។

រូបលេខ១៣

រូបលេខ១៣

រូបលេខ១២

រូបលេខ១២

សូមមើលវីដេអូខាងក្រោម។

KR 7 28 Movie

បណ្តាញផ្សព្វផ្សាយពត៌មានវប្បធម៌ខ្មែរលេខ១៨

ចំនួនអត្ថបទ ១៧ ចំណងជើង
ទំហំ A5 និងចំនួនទំព័រ (រូបពណ៌ទាំងអស់) ៖ ៦​ +​​ ១២២ ទំព័រ តម្លៃ ៖ ១៥០០០រៀល ឬ ៣.៧៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០២៣

បណ្តាញផ្សព្វផ្សាយពត៌មានវប្បធម៌ខ្មែរលេខ១៧

ចំនួនអត្ថបទ ១៨ ចំណងជើង
ទំហំ A5 និងចំនួនទំព័រ (រូបពណ៌ទាំងអស់) ៖ ៦​ +​​ ១១៤ ទំព័រ តម្លៃ ៖ ១៥០០០រៀល ឬ ៣.៧៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០២២

បណ្តាញផ្សព្វផ្សាយពត៌មានវប្បធម៌ខ្មែរលេខ១៦

ចំនួនអត្ថបទ ១៧ ចំណងជើង
ទំហំ A5 និងចំនួនទំព័រ (រូបពណ៌ទាំងអស់) ៖ ៦​ +​​ ១២៤ ទំព័រ តម្លៃ ៖ ១៥០០០រៀល ឬ ៣.៧៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០២១

បណ្តាញផ្សព្វផ្សាយពត៌មានវប្បធម៌ខ្មែរលេខ១៥

ចំនួនអត្ថបទ ១៨ ចំណងជើង
ទំហំ A5 និងចំនួនទំព័រ (រូបពណ៌ទាំងអស់) ៖ ៦​ +​​ ១២៥ ទំព័រ តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០២០

អាហារនៅជនបទអង្គរ

ដោយ អាំង ជូលាន
យសោធរ, ភ្នំពេញ ២០២០
ក្របរឹង, ២០ ស.ម. x ២៦ ស.ម., ៣១០ ទំព័រ, ចំនួនរូប ៖ ៥២២
ភាសាខ្មែរនិងបារាំងទល់គ្នា
ISBN-13: 978-99249-394-0-5

បណ្តាញផ្សព្វផ្សាយពត៌មានវប្បធម៌ខ្មែរលេខ១៤

ចំនួនអត្ថបទ ១២ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១០០ ទំព័រ តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០១៩

មូលដ្ឋានរៀនខ្មែរបុរាណ២០១៨

ដោយ អាំង ជូលាន
យសោធរ, ភ្នំពេញ
ផ្សព្វផ្សាយលើកទី១ ៖ ២០១៣ (អស់ពីឃ្លាំង)
ផ្សព្វផ្សាយលើកទី២ ៖ ២០១៨
vii + ២៨២ ទំព័រ
ISBN: 978-99963-818-0-5

បណ្តាញផ្សព្វផ្សាយពត៌មានវប្បធម៌ខ្មែរលេខ១៣

ចំនួនអត្ថបទ ២០ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១០៤ ទំព័រ តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០១៨

ដំណើរជីវិតមនុស្សខ្មែរមើលតាមពិធីឆ្លងវ័យ

ដោយ អាំង ជូលាន, ព្រាប ចាន់ម៉ារ៉ា, ស៊ុន ចាន់ដឹប
ផ្សព្វផ្សាយដោយ យសោធរ,​ ភ្នំពេញ​ ២០១៤
ចំនួនទំព័រ (អត្ថបទនិងរូប) ៖ ១១១
តម្លៃ ៖ ២៨០០០រៀល ឬ ៧ ដុលា្លរ, ISBN: 978-99950-895-0-4

បណ្តាញផ្សព្វផ្សាយពត៌មានវប្បធម៌ខ្មែរលេខ១១

ចំនួនអត្ថបទ ១៩ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១២០ ទំព័រ
តម្លៃ ៖ ១២០០០រៀល ឬ ៣ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០១៦

មូលដ្ឋានរៀនខ្មែរបុរាណ

ដោយ អាំង ជូលាន
ផ្សព្វផ្សាយដោយ យសោធរ,​ ភ្នំពេញ​ ២០១៣
vii + ២៨២ ទំព័រ
ISBN: 978-99963-818-0-5

បណ្តាញផ្សព្វផ្សាយពត៌មានវប្បធម៌ខ្មែរលេខ៩

ចំនួនអត្ថបទ ២៩ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១៥០ ទំព័រ តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយ យសោធរ,​ ភ្នំពេញ​ ២០១៤

បណ្តាញផ្សព្វផ្សាយពត៌មានវប្បធម៌ខ្មែរលេខ១០

ចំនួនអត្ថបទ ២០ ចំណងជើង
ទំហំ A5 និងចំនួនទំព័រ (អត្ថបទនិងរូបពណ៌ទាំងអស់) ៖ ១០០ ទំព័រ
តម្លៃ ៖ ១៥០០០រៀល ឬ ៣.៥ ដុលា្លរ
ផ្សព្វផ្សាយដោយយសោធរ,​ ភ្នំពេញ​​​ ធ្នូ ២០១៥

  • ប្រវត្តិ
  • ទំនាក់ទំនង
  • បាឋកថា
  • ឧទ័យ
  • KhmeRenaissance
  • សៀវភៅ
Flag Counter

share on:

© Yosothor.org 2017. All right reserved